TNLA ထိန်းချုပ် နောင်ချိုမြို့ကို ပြန်ရဖို့ စစ်တပ်က အလုံးအရင်းနဲ့ ထိုးစစ်ဆင်
တအာင်းတပ် TNLA ထိန်းချုပ်ထားတဲ့ ရှမ်းပြည်နယ်မြောက်ပိုင်း၊ နောင်ချိုမြို့ ကိုပြန်ရဖို့ စစ်ကောင်စီတပ်က အင်အားအလုံးအရင်းနဲ့ ထိုးစစ်ဆင်နေပါတယ်။
ရှမ်းတောင်နဲ့ ရှမ်းမြောက်အစပ် နောင်ချိုမြို့နယ်ထဲက တောင်ခမ်း စစ်ရေးခွင်မှာ အသာစီးရလာတဲ့ စစ်ကောင်စီဟာ သူလက်လွှတ်ထားရတဲ့ နောင်ချိုမြို့ကိုပါ ပြန်ရဖို့ ဇွန်လ ပထမပတ်ကစလို့ ခြေလှမ်းတိုးထိုးစစ်ဆင်လာတာပါ။
မြောက်ပိုင်းဒေသ စစ်ရေးအခြေအနေကို လေ့လာစောင့်ကြည့်နေတဲ့ မြေပြင်ရင်းမြစ် ၂ ဦးကတော့ နောင်ချိုကို သိမ်းပိုက်ထားတဲ့ TNLA ဟာ လက်ရှိအချိန်မှာ ခံစစ်အသွင် တုံ့ပြန်နေရတယ်လို့ မှတ်ချက်ပေးပါတယ်။
ရှမ်းတောင်ပိုင်း၊ မန္တလေးတိုင်း ပြင်ဦးလွင်တို့နဲ့ ဆက်နေသလို လားရှိုးမြို့ကို ပေါက်တဲ့ ပြည်ထောင်စုလမ်းမကြီးနဲ့ ဆက်နေတဲ့ နောင်ချိုမြို့ က နှစ်ဖက်လုံးအတွက်ဘယ်လောက်အရေးကြီးလဲ။
နှစ်ဖက်လုံးအတွက် နောင်ချိုမြို့ က အရေးကြီး
စစ်ကောင်စီတပ်ဟာ နောင်ချိုကို ပြန်ရဖို့ တအာင်းတပ် TNLA ထိန်းချုပ်ထားတဲ့ နောင်ချိုမြို့နဲ့ တောင်ခမ်းရွာကြားက ကံကြီးကျေးရွာကနေ ချဥ်းကပ်လာတာဖြစ်ပါတယ်။ အဲဒီမှာ ဇွန်လဆန်းပိုင်းကစလို့ တိုက်ပွဲပြင်းထန်နေတာ ဇွန် ၉ ရက် အထိ ဖြစ်ပါတယ်။
Leave a Reply